السلام عليكم ... من يوم ما الأخت لولو سافرت الصين علشان تدرس الأكلات الصينى وأحنا هنموت من الجوع.
لذلك قررت أدخل المطبخ من ورا لولو وألبس البرنيطة وأعملكم صنية بطاطس بالفراخ هاااااااااااااااااا.
المقــــــــادير :
• 6 أو 7 حبات بطاطس حسب حجمها .
• 3 أو 4 حبات طماطم .
• بصلة كبيرة الحجم .
• 3 حبات فلفل رومي أخضر " أو ملون حسب ذوقكم "
• 3 حبات جزر .
• ملعقة زبدة أو سمنة حسب اللي انت بتحبيه .
• ملح و فلفل .
• فرخة مقطعة نصفين .
الخطـــــــوات :
• قطعى البطاطس و الطماطم و البصلة و الفلفل و الجزر لشرائح ليست سميكة علشان تستوي و لا رفيعة علشان ماتتحرقش .
• ضعي ملعقة الزبدة في الصينية و عليها كل الشرائح السابقة و بعدها ضعي الفراخ على هذه المكونات و بعدها ضعى الملح و الفلفل علي الصينية " كمان ممكن جدا تضيفي عليها التوابل اللي انت بتحبيها "
• الخطوة الثالثة ضعى الصينية على النار و لكن لا تنسي اضافة كوب و نص ماء علشان البطاطس تستوي .
• الخطوة الأخيرة لما تحسي أن البطاطس دخلت في بدأت تستوى حطيها داخل الفرن لمدة نصف ساعة لحد ما يحمر جلد الفراخ و تستوى المكونات و يمكن اضافة البقدونس للتزين.
وفى أثناء وجود " صينية البطاطس بالفراخ " في الفرن ، ما تحرميش نفسك من متعة عمل طبق حلو كمكافأة ليكي بمناسبة أول يوم دخول المطبخ، ريم هتقدم أكلة بتحبها و هي طبق "الترايفل بالفراولة "
المقـــــادير :
• 6 قطع بسكويت شاي .
• معلقة كاستر .
• كوب لبن .
• نصف علبة جيلي .
• ملعقة سكر .
• 5 حبات فراولة مقطعة شرائح صغيرة .
• نصف كوب عصير فراولة .
الخطـــــوات :
• كسري قطع البسكويت قطع كبيرة في طبقين صغيرين .
• حضري الكاستر من خلال تسوية ملعقة الكاستر مع كوب اللبن على النار حتي يثقل الكاسترد ثم نضعهم في الثلاجة لدقائق .
• نقوم بتحضير الجيلي من خلال وضع كوب ماء مع نصف علبة الجيلي على النار حتى تغلى المكونات و بعدها نضيف عصير الفراولة مع قطع الفراولة على الجيلي و ننتظر حتى تبرد .
• و بعدها نضع المكونات على الكاسترد و البسكويت و تضع في الثلاجة وطبعا تقدم باردة
و بالهنـــا والشفــــا .
مع تحيـــــ المستر ـــــــــــــــــــــات
موضوع: البطــاطس بالفراخ من مطبخ لولو 
الإثنين يونيو 21, 2010 7:32 pm
