يا بحر جيت اشتيكيلك م الناس ومن همي
لاقيت كلك هموم وهربت من همي
سمعتني شكوتك م الناس وعميلها
يلوثوا ميتك ويقلوا من خيراها
اروح لمين اشتكى من ظلمهم فيا
ومن صرفهم مدوا كتير مواسير
وفرغوا فيه
حتى السمك كرهوا ف الميه
لاعاد قادر يسبح ولا بقيت له محميه
قللوا خيرى شلوا تغيرى بسدود
يعرضى وزيوت ومخلفات
مراكبهم ديا
خلاص بقيت مقبرة
لكل جنيه
لاسمكه ولا لؤلؤة ليها مكان فيا
ماعاد غير نفايات موجودة ف الميه
قلتله معلش يا بحر
مهما ياما عملوا فيه
الصديق الى خان
والحبيب مالوش امان
والاهل والخلاان
كلهم باعوا وبقم زى الزمان
غدار مالهوش امان
جيت ابكى من همى
لاقيت دموعك سيل يغرقنى
ولاقيت يا بحرى حظك اسؤا
من حظى
تعالى ندعى نقول
يارب زيح الغم والحزن ويا القهر
ينظفوا ميتك ويرجعولك ميتك صافيه
بلون سماك ويرجع السمك من تانى
يملا الشباك
وترجعلى بسمتى
وتنور ضحكتى
وانسى كل العذاب
والغدر م الاحباب
وساعتها يا بحر
حاجى واغنيلك
بدل ما اشكيلك
وخلى كل السمك يرقص على الميه
وترن ضحتك فى الموجه العاليه
واشم عطر يودك فى رشه الميه
اصلى بحبك يا بحر
ما انا اصلى بحرية
موضوع: يا بحر 
الثلاثاء يوليو 06, 2010 12:03 am
