مكشوف عنها الحجاب-----------بتسعد الاحباب

احترت فحالي لاقيت الناس فبالى
بيقولوا تعالى نريح بالك والى يطمنك عن حالك
فرحت وجريت وهنا لقيت
بشر من كل شكل ومختلف طبقات العلم
وكمان الجهل
شوفوا قالوا إيه
دى حجة نجمها ساطع بتفتح الطالع
سألت مين أنتي ومين أمك
ويلا هاتى الاسامى
وافتحي كفك ومن الأرقام عدت
ومن الصور قلبت
دا حصل ودا لسه حيحصل
وورق كبير بلون احمر
كلام كلام ماقدر افهم ولا كلمه
ولا قيتنى تيهه في الزحمة
عقل يذب وقلب يصدق
اهو حد يعين على قسوة الدنيا
ودي كانت بداية الجلسة
يلا يا بنتي خدي منى الورقة دية
دى فيها كل العملية
حبليهاو تستحمي بيها
ودي بخور تتبخري بيها
ودي ميه ترشيها على مفارق وفرقيها
ودي على اى زرعه وارميها
ودى فى البحر رشيها
ويعنى البنت حيرانة وف الأمل عشمانه
وتروح وتعمل الحكاية
وترجع تانى للحجة
إلى بتعرف الطالع وتقول لسه
تعبانه فى المرار غرقانه
تقول الصبر حلوا
حيتبدل المر
ويكون مذاقه شهد
حغيرلك دنيتك والكل يدوب فمحبتك
حتلاقى من المال كتير
بس أوعى تتغيري ومنى تتحيري
أنا بارقامى هنيتك
وشيلت تعبك وشفيتك
يلا بقى هاتى من مالك
الكل صبح خدامك
وخليت دنيتك حكاية بالواني وبخوري و ارقامى
وقبولي
بس أمانه يا بنتي لما تيجى سيرتي
تدعيلى وتقولي يزيد من زواك والى يخبطوا بابك
ويسبحوا من حسابك
دى نعمة من ربنا وهبها ليه أنا
علشان اكون سبب لشيل كل التعب
واوعى تقولي دى منجمه
دى موهبه من رب السما
وابقي افتكريني ولما تعوزيني تلاقيني
والبنت متخدرة من نفسها متحيرة
صدقت الحكاية
وغيرت دنيتها
وهنا السؤال
سألتها
انتى مصدق ه الى حص والتغير
دا مين كان السبب
قلت دى فضل الحجة
إلى نجمها ساطع
ياريت تروحي تشوفيها
حتلاقى دوا لقبلك
وكل الى شاغل فكرك
شوفوا بقينا ازاى
راح عقلنا
وتاه فكرنا بقينا عبيد
لورقة ملونه
وأرقام متجمعة
وبخور نشمها
وميه بنرشها
ودا كل همنا
نريح قلبنا

بجد الله ينور عليكى يا شاعرة

الفكره جميلة وتناولها أجمل

شكراً لأشعارك الجميلة












الاجمل وجودك وردك اسطورة منورنى