في الوقت الذي يستمتع فيه ( الفرافير ) من أبناء وأسر لصوص مصر الكبار من المماليك الجدد بأموالنا المنهوبة بالفجر والسكر والعربدة والمجون والشذوذ والمخدرات والعاهرات وحفلات حتي الصباح في قصورهم بمارينا والساحل الشمالي .. نسألكم أيها الحرافيش مثلنا قراءة الفاتحة علي شهداؤنا المؤدين تحت عار من صخور الجبال … شهداء الدويقة الغلابة .
أنين من العالم الآخر ….. ؟؟؟
سامع أنين أرواح متعذبة وبريئة
بتسأل ربها وكل حبة تراب
فوق أرضها ….
والمسلمين من شعبها
وكل ولي في أمرها ….
وبتسأل كمان الرئيس
ذنبي أيه أموت فطيس ؟
وليه ياناس أروح رخيص ؟
أرواح بتسأل ربها
أيه بس ذنبها ؟
ولا أيه حتي جرمها ….
ومين جلاد نَحرها ؟ واللي خطف سر الحياة
من بين ثنايا جلدها ….
وليه هدرتم حقها في دمها ….
ومن حقها ….
ومن بشاعة أو فظاعة أو كآبة
منظر وأدها ….
وعلي غير هواها أو مرادها وودها ….
بتصرخ يامسلمين يا موحدين ….
فين الحقيقة ؟
اللي غابت واللي في غياهب الظلم ضاعت ؟
والمسئولية فين في ….
أرواح العباد اللي ماتت ؟
في بحار متغربة وغريقة ….
واللي أكلتهم نار الحريقة ….
واللي موءودين تحت صخور جبال العار
في الدويقة ….
أرواح رافضة ترتاح
وبتناجي ربها ….
وبتصرخ في وش كل طاغي
عايزة منه حقها ؟
وبتسأله ليه سلبها ….
حتي حياتها التعيسة في حلمها ….
أرواح حيرانة بتسأل ؟ أيه ذنبها ؟
ومين وفين الجبان
اللي أهدر واللي سفك
عرضها ولحمها مع دمها ؟
و مين اللي سرق ….
حتي حق حياة الذل ….
من كفها ؟
أرواح بترفع لعرش الرحمن أكفها
وبتسأل فين الحساب ؟
فين القصاص ؟
أرواح بتصرخ ليه ياغجر؟
وليه كل مصيبة ليكم ….
بتلزقوها في حق القضا أو القدر ؟
وهو القدر
تغتالوني بدون إرادة ؟
ولا الإرادة في شرعكم
هي الإبادة ؟
تغتالوني ليه ….
بدم بارد وفي بلادة
وليه العار في دمكم يا كلاب ….
أصبح عبادة ؟
وليه دمي ضاع في دولة فاسدة
ما بين رئيس ….
و ما بين عصابة أو قيادة ؟