انا طفل ضايع

أنا طفل ضايع
اسمي في شهادة ميلادي مبعرفوش
ولاليا أب ..ولا ليا أم
عمر الحنان ده معشتهوش
صحيت في يوم
لقيتني نايم تحت كوبري
والنوم ده حلم مشفتهوش
وكوم عيال نايمين ورايا
عِشرة وصحاب ورصيف جامعنا
عيشة مُرة...ولا راحة مَرة
وكل يوم في قسم شكل
بيقولوا جيت الدنيا غلطة
وناس كمان بيقولو فلتة
وأنا كل ذنبي انى عايش
في زمن ياريتنى مجيتلهوش
.
أصحي وصباحي مليان تعب
حقـــــــــــك ياجسمى
مانا برده نايم من غير غطا
وسريري فرشة من الحطب
وأسرح مابين شارع وشارع
أمد ايدى للي يسوى واللي......
ألاقى حد يرميلى لقمة
وحد تانى يبصلى من فوق لتحت
ويروح قايلى
ياعم روح ...جتكوا القرف
تلمع في عيني دمعة حزينة
ولا حتى حد يقولى
خد منديل ورق...امسح دموعك
ولاأم تضمني ...اشتقت لرجوعك
لقيتني فجأة وبدون ما بقصد
بسرق وبخطف وبجري
آه ....نسيت أقول
فى بنت حلوة بحبها
ليل نهار بحسبلها
كل خطوة تخطى فيها
بقول ياريتنى مكتو بلها
لكن ده ليه ..هيفيد بإيه
عشان أسمى ابنى
فلان ابن واحد معرفوش
وأنا فى الحقيقة عارف نهايتي
هيا حاجة من التلاتة
ياإما سجن بسور طويل يهدنى
أو فى صراية صفرا تلمنى
أو حد أقوى منى
فى خناقة بينا
بسكينة حامية يضمنى
وأنا كل ذنبى بيقولو عنى
إنى جيت الدنيا غلطة

الله عليكى يا همسة تسلمى وتسلم كلماتك
منتظرين منى المزيد

هقول غير انك فعلا مبدعه فى اختياراتك ومواضيعك بتناقشى قضيه غاية فى الخطوره وناس كتير مش مدينها اهتمام غير فى وسائل الاعلام وبس منظره يعنى لكن فى ارض الواقع اطفال الشوارع كل يوم فى زياده بجد ربنا يستر من اللى ممكن يحصل من اطفال الشوارع وربنا يستر عليهم لانهم مش لاقين رعايه ولا اهتمام من اى حد فدول مصيرهم هيكون ايه غير حرامى مدمن قاتل مغتصب انا مش بهاجمهم انما هما مش لاقين رعايه ولا حتى توجيه ومنهم اللى ممكن يفلت بس دول نسبه هتكون قد ايه
اخيــــــــــــــــــــــــــــــــــــــــــــــــــــــرا
مشكوره همسه على موضوعك

فعلا مبدعه .. وتحياتى الخاصه[/size][/size][/size]

تسلمى ياحنون على ردك نورتى التوبيك عندى ياشاعره وطبعا يسلم مرورك يامحمد وكلامك جميل والمستر كمان شرفتنوا بردودكم بجد