واحد من الغلابه

الأوسمة : المهنة : المزاج : 151 Points : 393 08/12/2009

قالوا فيكي كتير يابلدي
قالوا فيكي كتير يامصر
مدحوا فيكي
وعابوا فيكي
فرحوا بيكي
وعيطوا
ناس كتير
مجروحه فشوارعك
وناس بيزغردو
ناس بتاكل كي
تعيش
وناس تعيش
من دم الغلابه
وناس أملها
في الحياه
رغيف ...عيش
...............
لو صرخنا بأعلى صوت
ملناش صوت
ولو سألتك ليه يابلدي
وليه وليه
سؤالي هيموت
من غير إجابه
أصلي واحد
من الغلابه
.................
قالوا فيكي كتيريابلدي
قالوا فيكي كتيريامصر
................
اه بحبك
طب ليه بحبك
رغم اني
احترت فيكي
ورغم إني
من الغلابه
وفغيطانك
شوفت الديابه
وأرجع أغنيلك
يابلدي
عاشق صبابه
................
إزاي أحبك
وانا مش قادر
أشيل همي
وهمك
إحترت فيكي
وقلت فيكي
كتير يابلدي
قلت فيكي
كتير يامصر
مدحت فيكي
وعبت فيكي
فرحت بيكي
وعيطت
والحقيقه
عمري بيتي
ماهيبقى قصر
طول
الغلابه فيكي يابلدي
مالهمش حصر

إزّاي احبّك يا بلد وانت مش حبّاني

إزّاي اعيش واموت واندفن في أرض رفضاني

بنام وأحلم ببكرة ألاقي بكرة زوّد أحزاني

آه يا بلد لو بإيدي كنت أهدّك وابنيكي من تاني

بيقولّك تعديل دستوري إحنا عايزين تعديل إنساني

كلّ إنجازات البلد أنفاق وكباري

بلد بتموت وشعب في حالة سكوت وكأنها لعبة أتاري

من كتر الظلم والضلمة بقول ياريت أيّام الملك والانجليز ترجع تاني

آه يا بلد مليت بحبّك الدفاتر مع العلم إنّك قتلاني

مين اللي قال إن عبّارة السلام غرقت

ومين اللي قال إن ممدوع إسماعيل قاتل وجاني

اللي غرقت مصر واللي غرق ما بيطلعش حيّ تاني

هو يطلع من صالة كبار الزوّار وأنا اتحبس

في سجن المطار واتعرض على البحث الجنائي

أنا اللي من صغري اخترتك سكّتي أتاريها سكّة أحزاني

أنا اللي من صغري اخترتك كلمتي ألاقيكي مقيداني

آه يا بلد نفسي قبل ما أموت ألاقي زمانك وزماني

إتغرّبت أكتر من سبع سنين ورجعت لاقيت الغربة هنا شكل تاني

بلد بتعاني بكل المعاني بكياني وانا أملي أحسّ بكياني

عشرين سنة مخلص محبوس بين جدران دكّاني

نفسي أعيش من غير ما أنافق السلطان والسلطاني

نفسي أعيش من غير ما أنافق ولا حتي أبويا اللي ربّاني

بكرة نتحاسبو علي السكوت وعلي العيشة العمياني

إبني مكمّلش سنتين نايم جنب منّي

بيشد في شعري ويحطّ صبعه في وداني

ويضربني بالقلم ولسان حاله بيقول ليه يابا خلّفت تاني

وأنا في سري باقول ياريتك يا أحمد يابني ياباني إبن ياباني

مع إن وجودك في الدنيا عمل فيّا وخلاّني

أحبّ البلد أكتر وأهدّ جدران دكاني

شيخ الازهر بيقول المعارضة حرام وانا نفسي

أعرف إيه الحلال في بلد المليون حرامي

وحياة عمّتك البيضة وكاكولاتك البدنجاني

قول لنا رأيك بالمرة في التعذيب في السجون

والغشّ والنّهب والتزوير في الانتخابات والمعونة الامريكاني

نقلاً عـــــ عبد الحميد بدوى ــــن

الأوسمة : المزاج : 761 Points : 1189 02/12/2009

موضوع جميل ونقد رائع
تسلم يا مستر فى اختيارك للموضوع

الأوسمة : المزاج : 761 Points : 1189 02/12/2009

تسلم بريف
على كلمات ما اكثر الغلابة
والمطحونين فبلدنا
تسلم مرو تانية

» الحب من طرف واحد
» كل واحد يقولنا عاش اى احساس
» لو واحد سالك السؤال دهتقول ايه؟؟
» اسئله محرجه لازم كل واحد يجاوب يا جماعه
» اكتر واحد عنده نقطه تحمل يتفضل والا مش عنده بلاش احسن