هلا بكم اخوتى وهذا التساؤل المصيرى
أنت ليه مش بتمسك إيدي وإحنا ماشيين في الشارع؟"
"لأ بلاش...افرضي حد من قرايبك شافنا؟ والا حد من أصحاب أخوكي في الكلية؟ إن
شاء الله يا حبيبتي بكره نتخطب وامسك إيديكي ادام الدنيا كلها".
.................................
مخطوبين
"أنت ليه مش بتمسك إيدي وإحنا ماشيين في الشارع؟"
"علشان مش عاوز حد يفتكر إننا علشان اتخطبنا هنبقى زى العيال بقى ونعيش حياتنا...وبعدين
بصراحة كده أنا مستحرم...إن شاء الله بكره نتجوز وامسك إيدك وإنتي مراتي
حبيبتي في الحلال".
.................................
متجوزين
"أنت ليه مش بتمسك إيدي وإحنا ماشيين في الشارع؟"
"يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين
متجوزين ومحترمين وعندنا بيت ميصحش كده".
.................................
متجوزين ومعاهم اطفال
"أنت ليه مش بتمسك إيدي وإحنا ماشيين في الشارع؟"
"يعني امسك إيدك والا امسك إيد البنت والا اشيل الأكياس دي كلها؟!"
.................................
متجوزين لمده 25 سنه
"أنت ليه مش بتمسك إيدي وإحنا ماشيين في الشارع؟"
"إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا
وخرفنا؟!"
مش عارفه بصراحه هو فعلا ليه بيتهرب من مسك ايديها فى الشارع
مسكينه اصبح الامر ده ماساه بالنسبه لها
اتمنى قبل ما تموت يحققهالها
لكم التحيه
موضوع: أنت ليه مش بتمسك إيدي وإحنا ماشيين في الشارع؟" 
الثلاثاء يناير 13, 2009 2:41 am
